Келесі жылы біздің республикамызда Парламенттің төменгі палатасы — Мәжіліске сайлау өткізілуі тиіс. Осыған байланысты Қазақстанда билеуші Nur Otan партиясымен бәсекеге түсе алатын оппозиция бар ма? Біз осыны түсінуге тырыстық.
Бүгінгі таңда біздің елімізде алты ресми тіркелген саяси бірлестік бар екенінен бастайық:
— Nur Otan Партиясы
— «Ақ жол» демократиялық партиясы
— Қазақстан Коммунистік Халық партиясы
— Жалпыұлттық социал-демократиялық партия
— «Ауыл» халықтық-демократиялық патриоттық партиясы
— «Бірлік» саяси партиясы
Кейбір азаматтарымыздың пікірінше, осы саяси бірлестіктердің ішінен Компартия мен «Ақ жол» Парламенттегі көшбасшы партияға қарсы тұра алптын оппозиция болып табылады.
Алайда, коммунистер мен демократтар жүргізіліп жатқан бағытқа өте сыни көзқараспен қараса да, олар «нақты» оппозиция емес.
Біздің елімізде тіркелмеген Қазақстан демократиялық партиясы да бар, ол «жаңа оппозиция» рөліне үміткер және азаматтардың өзекті мәселелерін көтере отырып, өзіне назар аударуға тырысуда. Алайда, парламенттік сайлау келесі жылы болатынын ескерсек, онда бәрі түсінікті. Бұл «оппозиционерлер» ұпай жинап, өздерінің партиясын ресми түрде тіркеп, Парламенттен орын алу үшін күресуге тырысуда.
Нәтижесінде, елде іс жүзінде оппозиция жоқ, ал бос орынды бір жағынан қашқын олигархтар қаржыландыратын белсенділер, екінші жағынан ұлтшылдар толтыруға тырысып жатыр. Бұл жақсы жағдай емес және болашақта жүйенің тұрақсыздануына әкеледі.
Саяси тұрғыдан алғанда, Қазақстандағы оппозиция әрдайым биліктен жеңіліп отырды, өйткені негізінен оппозиционер элита ішіндегі бәсекелестіктен айырылған бұрынғы шенеуніктер. Халық оларға жанашырлықпен қарады, бірақ күш пен билік үшін дауыс беруді жөн көрді.
Саяси шолушы Нұрлан Фадеев, арнайы «Эхо Казахстана» үшін.
Сурет: informburo.kz
