Қазақстандық Энергетика министрлігінің басшысы Нұрлан Ноғаев біздің еліміз жанар-жағармай материалдарын шетелге шығаруға тыйым салуды ұзартатынын мәлімдеді, деп хабарлайды Tengrinews.kz ақпарат ресурсы.
Министр өткен жылдың қорытындысы бойынша елімізде мұнай өңдеу көлемі 17,2 миллион тоннаны құрағанын айтты. Бұл 2018 жылдың көрсеткішімен салыстырғанда 4,4%-ға артық.
Сонымен қатар, Ноғаевтың айтуынша, 2018 жылдың көрсеткішімен салыстырғанда 9,5%-ға авиакеросин, дизель отыны, бензин және мазут сияқты мұнай өнімдері өндірісі көлемінің өсімі байқалады.
Министрлік басшысы отандық мұнай өңдеу зауыттарын жаңғырту аяқталған соң, ішкі нарықтың қажеттілігі өзіміздің өндіріс есебінен толық қамтамасыз етіліп жатқаны атап өтті.
Сондықтан да, Қазақстанда жанар-жағар май тапшылығы болмауы үшін Энергетика министрлігі оларды республика аумағынан шығаруға тыйым салды. Тыйым салынғанға дейін отандық бензин қайта сату мақсатында тонналап сыртқа шығарылған.
Осыған байланысты Нұрлан Ноғаев уәкілетті органдарға тыйымды ұзартуға бағытталған шаралар қабылдауды тапсырды.
Сурет: nashreporter.com
