Сот шешімдеріне наразы болған қазақстандықтар тобы, жақында Ақорда маңында жиналып, әділетсіз сот актілерін қайта қарау жөніндегі ведомствоаралық комиссия құру туралы талабымен елордада баспасөз мәслихатын өткізді.
Журналистермен кездесу барысында осы топтың мүшелері, олардың айтуынша, наурыздан бастап жұмыс істей бастайтын комиссия құруға қол жеткізгендерін айтты. Алайда, ол шындыққа жете ме, жоқ па – белгісіз.
Құрылатын комиссия туралы айта келе, наразылар қазір оның құрамына сот-құқық жүйесін реформалауға жауапты Парламенттің екі палатасының депутаттары кіруін талап етіп отырғанын атап өтті.
Баспасөз конференциясы барысында топ мүшелері қазіргі Бас прокурор Ғизат Нұрдәулетовті, онымен бірге Жоғарғы Сот төрағасы Жақып Асановты қызметінен босатуды талап етті.
Сонымен қатар, ел басшысы Қасым-Жомарт Тоқаевқа жолдаған үндеуінде сот шешімдеріне наразы адамдар сот жүйесін реформалау және мемлекет заңдарын бұзған судьяларға жазаны қатаңдату қажеттігі туралы мәлімдеді.
Сурет: rus.azattyq.org
