Бірыңғай жинақтаушы зейнетақы қоры жанындағы Қоғамдық кеңестің төрағасы Евгений Сейпульник азаматтарға зейнетақы жинақтарының бір бөлігін, атап айтқанда 10%-ын алуға рұқсат беруді ұсынды. Бұл туралы nur.kz ақпарат агенттігі жазады.
Оның пікірінше, коронавирус індетіне байланысты Қор азаматтарға зейнетақы жинақтарының бір бөлігін алуға рұқсат беруі тиіс. Сейпульниктің пікірінше, бұл біреудің өмірін құтқаруы мүмкін.
Сарапшы бұл ұсыныс зейнетақы қорына жаңа деңгейге шығуға мүмкіндік берумен қатар, оның жұмысына деген халықтың сенімін арттырады деп есептейді. Сондай-ақ, Сейпульниктің пікірінше, бұл бастаманың арқасында карантиндік шектеулерге байланысты табысын жоғалтқан азаматтарға тиесілі әлеуметтік жәрдемақы көлемін 100 мыңға дейін арттыруға болады.
Сонымен қатар, Қоғамдық кеңес басшысы бұл ұсынысы бюджетке салықтардан түсетін табысты 170 миллиард теңгеге арттыруға мүмкіндік беретінін, кейін бұл соманы коронавирус инфекциясымен күреске жіберуге болатынын атап өтті.
Евгений Сейпульник дағдарыс кезінде азаматтарға қаржылық қолдау көрсету арқылы біздің елдің басшылығы зейнетақыларды одан әрі жинақтау үшін қажетті жағдайларды жасайды.
Сурет: 24.kz
