Қазақстанның автомобиль саласындағы кәсіпорындар Одағында қаңтар айының қорытындысы бойынша Қазақстанда автоөндіріс 53% – ға өсті деп хабарлады. Сондай-ақ, азаматтардың отандық машиналарға жұмсаған шығындары 2 есеге артып, бүгінгі күні 15 миллиард 800 миллион теңгені құрайтыны атап өтілді.
Қазақ көлік өнеркәсібінің ішкі нарықтағы үлесі 40%-дан 54%-ға дейін көтерілді. 2019 жылдың басынан бері конвейерлерден 3 227 автокөлік түсіп, оның 3 109-і жеңіл, 68-і жүк және 39-ы автобустар. Арнайы техника мен тіркемелерді шығару 16 және 40 пайызға төмендеді.
“Азия Авто” акционерлік қоғамының президенті Ерік Сағымбаевтың айтуынша, өткен жыл “Азия Авто” мен жалпы автомобиль саласы үшін жемісті болды. Конвейерден 14 жаңартылған модель шықты. Желіні төрт брендтің 6 үлгісі толықтырды. Зауыттың нарықтық үлесі рекордтық көрсеткішке жетті.
Естеріңізге сала кетейік, “Азия Авто” зауыты “Бипэк Авто — Азия Авто” компаниялар тобына енгізілген, сондай-ақ Қазақстан және Ресейдегі сервистік-өткізу желілерінің тобына жатады.
Сурет:24.kz
