Жақын арада республика бойынша қайта жұмыс істей бастайтын қазақстандық авиакомпаниялардың өкілдері 10 мамырдан бастап билет құны қымбаттауы мүмкін деп мәлімдеді.
Авиатасымалдаушылар өкілдерінің айтуынша, билеттердің бағасы коронавирустық инфекцияның таралуы жағдайында талап етілген шектеулерге байланысты қымбаттауы мүмкін.
Ұшу үшін Қазақстандықтардан коронавирусқа тестілеуден өткені туралы анықтама талап етілетін болады, алайда қала бойынша жүруге рұқсат болмағандықтан, кейбір азаматтарға оны алу өте қиынға түседі.
Осыған байланысты авиакомпаниялар әуежайлар аумағында COVID-19 тестін тапсыруға болатын арнайы зертханалық пункттерді қоюды ұсынуда. Оның үстіне, авиатасымалдаушылар өкілдерінің айтуынша, нәтижелер бір сағат ішінде дайын болуы тиіс.
«Атамекен» Ұлттық Кәсіпкерлер палатасының басшысы Абылай Мырзахметов бұған дейін авиарейстерге билеттердің бағасын арттыруға қатысты пікір білдірген.
Абылай Мырзахметов айтқандай, мұнай бағасы төмендеді, осыған байланысты авиабилеттердің құны көтерілмеуі тиіс, алайда оны бақылау қажет.
Сурет: biletik.aero
