Қазақстанда ауыл шаруашылығы жерлерін шетелдіктерге сатуға тыйым салынды
Мәжіліс депутаттары шетелдіктерге ауыл шаруашылығы жерлерін беруге толық тыйым салуды көздейтін жер қатынастары мәселелері жөніндегі заңға Сенаттың түзетулерімен келісті, деп zakon.kz хабарлайды.
Аграрлық мәселелер жөніндегі Комитет Парламент Сенаты «жер қатынастары мәселелері жөніндегі ҚР кейбір актілеріне өзгерістер мен толықтырулар енгізу туралы» ҚР Заңының жобасына енгізген өзгерістер мен толықтыруларды қарап, Сенат ұсынып отырған түзетулер Мәжіліс мақұлдаған заң жобасының тұжырымдамасын бұзбайтынын, ол шетелдік жер пайдаланушылардың және шетелдік қатысуы бар заңды тұлғалардың, сондай-ақ ауыл шаруашылығы мақсатындағы жер учаскелерін жеке меншік және жер пайдалану құқығында кандасаларға иеленуіне тыйым салуды және оның мазмұнын нашарлатпайтынын атап өтті. Баяндалғанды ескере отырып, аграрлық мәселелер жөніндегі Комитет заң жобасына Парламент Сенаты енгізген өзгерістер мен толықтырулармен келісуді ұсынады, — деді депутат Берік Оспанов палатаның жалпы отырысында.
Тұтастай алғанда, заң жобасымен Жер кодексіне және үш заңға, оның ішінде «халықтың көші-қоны туралы»Заңға өзгерістер енгізіледі.
Осылайша, қабылданған заң жобасында ауыл шаруашылығы жерлерін шетелдіктерге және шетелдік компанияларға, шетелдік қатысуы бар қазақстандық компанияларға, азаматтығы жоқ адамдарға, шетелдік қатысуы бар ғылыми орталықтарға, сондай-ақ қандастарға беруге толық тыйым салу көзделген.
Бұдан басқа, шетелдіктер мен шетелдік қатысуы бар қазақстандық компаниялар бұрын жалға алған ауыл шаруашылығы жерлерінің мерзімдерін ұзартпайтын болады. Жер пайдалану мерзімі аяқталғанға дейін ғана иелікте болады.
