Қоғамдық сенім Ұлттық Кеңесінің мүшесі Асылбек Қожахметов қазақстандық жоғары оқу орындарына гранттарды бөлуді қайта қарауды ұсынды, деп хабарлайды lsm.kz жаңалықтар ресурсы.
Қожахметовтың пікірінше, мемлекеттік гранттарды бөлу кезінде талапкердің үлгерімін ғана емес, сонымен қатар әлеуметтік-экономикалық факторларды да ескеру қажет. Оның айтуынша, табысы жоғары отбасылардан шыққан талапкерлер грант алмауы тиіс.
Сонымен қатар, ол университеттердегі гранттарды аз қамтылған отбасылардың пайдасына бөлу үшін, әлеуметтік лифт жұмыс істеуі қажет екенін түсіндірді.
Сондай-ақ, Асылбек Қожахметов білім беру саласымен байланысты тағы бір ұсыныс айтты. Атап айтқанда, ол білім беруді несиелендіруді ұлғайтуды ұсынды, өйткені оның айтуынша, Қазақстанда білім беруде ауылдар мен қалалардың алшақтығы байқалады.
Ұлттық Кеңес мүшесі ауыл отбасыларының табысы қалалықтарға қарағанда 44%-ға аз екенін, соның нәтижесінде ақылы бөлімде шамамен 15% қалалық емес студенттер білім алатындығын түсіндірді.Осыған байланысты ол білім беруді несиелеуді ұлғайтуды ұсынды.
Сонымен қатар, Асылбек Қожахметов республикадан кетіп қалған білімділердің орнын толтыру үшін, Қазақстан Орталық Азиядан студенттерді тартуы керек деп санайды.
Сурет: otyrar.kz
