Қазақстан Ұлттық қауіпсіздік комитетінің қызметкерлері арнайы операция барысында Алматы, Шымкент және Қызылорда қалаларында атыс қаруын сатумен айналысқан қылмыстық топтардың заңсыз әрекеттерінің алдын алды.
Арнайы операция барысында қылмыстық топ мүшелері ұсталып, 8 “Калашников” автоматы мен 2 тапанша тәркіленді.
Сондай-ақ, ұсталған қылмыскерлердің бірінің үйін тінту кезінде, қаруды түрлендіруге және өзгертуге арналған станок табылды.
Жүргізілген операция нәтижесінде қару жеткізу арнасы анықталып, жойылды. Ұсталғандарға қатысты тиісті жазалау шаралары қабылданатын болады.
