6,5 мыңнан астам отбасы атаулы әлеуметтік көмек алды. Оған 4 миллиард теңге бөлінді, оның төрттен бірі игерілді, деп хабарлайды 24.kz ақпараттық агенттік.
Осындай отбасылардың бірі — Айнұр Бралиеваның отбасы. Оның алты баласы бар, кішкентай егіздер бір жарым жаста. Отбасына жаңа формата, жалпы сомасы 150 мың теңге, жәрдемақы төленді.
Айнұр Балиева, көп балалы ана: » Әлеуметтік көмек сомасы артты, бізге АӘК тиесілі екенін айтты. Бұл мемлекеттің қолдауы. Себебі мен жұмыс істемеймін, декреттік демалыстамын. Менің ойымша,бұл өте үлкен көмек».
Осы бағдарлама бойынша 6 580 отбасы көмек алды.
БҚО жұмыспен қамтуды үйлестіру және әлеуметтік бағдарламалар басқармасының басшысы Алтай Құлқаев: «Жұмыспен қамту орталықтарында кезек жоқ. Жұмыс қалыпты режимде жүріп жатыр. АӘК алушы халықты жұмыспен қамту орталығына немесе тұрғылықты жері бойынша ауыл әкімдігіне келеді, жеке куәлігі ғана керек. Қалған деректерді біз өзіміз сұратамыз».
Материалдық көмек көрсетуден басқа, көп балалы отбасыларға тұрғын үй мәселесін шешуге көмектеседі. Мамыр айының басынан бастап 30 отбасына жаңа пәтердің кілттері берілді.
