Палата Спикері Нұрлан Нығматулиннің төрағалығымен өткен ҚР Парламенті Мәжілісінің пленарлық отырысында депутаттар “Қазақстан Республикасының Еңбек кодексіне қашықтықтан жұмыс істеуді құқықтық реттеуді жетілдіру мәселелері бойынша өзгерістер мен толықтырулар енгізу туралы” заң жобасын қарастыруға алды.
Депутат Жәмила Нұрманбетованың айтуынша, аталған заң жобасына Парламент депутаттары бастамашылық жасаған.
«Бүгінгі күні жұмысшыларды қашықтықтан жұмысқа амалсыздан ауыстыру тәжірибесі еңбек заңнамасын жетілдіру қажеттілігін көрсетті», – деді ол.
Оның пікірінше, осының негізінде заң жобасы қашықтықтан жұмыс істеуге байланысты еңбек қатынастарын реттеуді қарастырады.
Уақытша және аралас жұмыс, жұмыс кестесін, жұмыс уақытын, қызметкердің, сондай-ақ жұмыс берушінің жауапкершілігін белгілеу сияқты жаңа жұмыс режимдерін енгізу ұсынылуда. Жалпы, заң жобасын қабылдаудан құқықтық және әлеуметтік-экономикалық бағытта оң салдар күтілуде”, — деп түсіндірді Нұрмандетова.
Депутат Мәжілістің бейінді Комитеті заң жобасын қарастыруға алып, ол бойынша 2021 жылғы 22 желтоқсанға дейін қорытынды әзірлеуге дайын екенін айтты.
Сурет: zakon.kz
