Қазіргі уақытта біздің республикамыз бен Беларусь өкілдері Алматы мен Минск арасындағы әуе қатынасын қайта басту мәселесін пысықтап жатыр. Бұл туралы Беларусь елшісі Павел Утюпин мәлімдеді.
Қазақстан-Беларусь Іскерлік кеңесінің онлайн-отырысында сөйлеген сөзінде Утюпин Алматы мен Беларусь астанасы арасындағы авиарейстердің қайта жандануы Еуразиялық экономикалық одақтың екі мемлекеті арасындағы іскерлік байланыстарды нығайтуға мүмкіндік беретінін атап өтті
Дипломат әзірге бұл мәселе бойынша нақты шешім қабылданбағанын, барлығы Қазақстан мен Беларусьтегі эпидемиологиялық жағдайға байланысты болатынын атап өтті.
Сонымен қатар, ол қазір Нұр-Сұлтан мен Минск арасында аптасына төрт рет тікелей рейстер орындалатынын айтты.
Утюпин Қазақстан мен Беларусь бүгін еліміздің аумағында “Белагро” ауылшаруашылық көрмесін өткізу мүмкіндігін қарастырып жатқанын айтты. Дипломаттың айтуынша, мұндай іс-шаралар Қазақстан-Беларусь ынтымақтастығын дамытуға ықпал етеді.
Елші бұл көрмені келесі жылы өткізу жоспарланғанын, бірақ оның қандай форматта өтетіні белгісіз екенін, бәрі коронавирустық пандемияға байланысты болатынын айтты.
Сурет: punguin.com.ua
