Сызғанов атындағы Алматы хирургия орталығының жетекші мамандары Оңтүстік Кореяның хирургтерімен бірге циррозбен ауыратын пациентке екі донордан бауыр операциясын жүргізді.
Екі донордан бауыр трансплантация операциясы Dual Craft деп аталады. Шұғыл араласудың бұл түрі тек Қазақстанда ғана емес, ТМД-да алғаш рет өткізілді. Операция 15 сағатқа созылды.
Іс-шараға Сызғанов атындағы ғылыми орталықтың отыздан астам қызметкерлері қатысты.Науқас Нұркеннің екі ағасы донор болуға ниет білдірді. Операция сәтті аяқталды.
Үшеуі де өздерін жақсы сезінеді. Нұркеннің жағдайы тұрақты, ол бөлімшеде. Донорлар үйге шығарылған, олардың бауыры, арнайы терапия арқылы өсіп, қалпына келуі керек.
Донор болуға пациенттің көптеген туыстары келді. 8 адам тексерілді, бірақ отадан кейін бауыр жеткіліксіздігінің даму қаупі жоғары болды.
Тірі донордан бауыр трансплантациясы — өлгеннен кейінгі донорлар өте аз елдерде бауырдың терминалдық ауруы бар пациенттерді радикалды емдеудің жалғыз әдісі.
Қазақстанда бауыр трансплантациясының шамамен 90 пайызы тірі донорлардан жүзеге асырылады,өйткені қайтыс болғаннан кейін қайырмалдықпен бауыр тапсыру деңгейі өте төмен.
Әлемде екі трансплантатты пайдалану арқылы тірі донорлардан бауыр трансплантациясы Оңтүстік Корея, Жапония, Түркия, Тайвань, Франция сияқты елдерде орындалады.
Бұған дейін БАҚ донорды күту үстінде қайтыс болған науқас Галина Бөлекбаева, сондай-ақ донорлардың жоқтығынан балалардың қайтыс болғаны туралы хабарлаған болатын. Сондай — ақ көмек қажет болған қызға бүйрегін беруге дайын болған донордың жағдайының нашар болғандығы туралы, ал екі жыл бұрын сол донордың қайтыс болғаны туралы хабарланған болатын. Сонымен қатар, органдарды ауыстыру бойынша «қара нарық» бар.
Сурет: рассеянный склероз
