Қазақстанда алғаш рет 5g коммерциялық желісі Нұр-Сұлтанда іске қосылды, деп “ҚазАқпарат”ХАА тілшісі хабарлайды.
Ұялы байланыс желісіне қатынауды жаңа стандарт бойынша, жаңа жиілік диапазонында арнайы радиомодульдер қамтамасыз етеді”, – деді желінің ашылуында “Қазақтелеком” АҚ инновация жөніндегі бас директоры Нұрлан Мейірманов.
Ол неліктен Astana Hub аумағы таңдалғанын түсіндірді.
“5G технологиясы болашақ сандық экономика үшін бейімделуі керек бірегей мүмкіндіктерге ие. Егер телефоныңыз 5G қолдаса, сәйкесінше Сіз Astana Hub аумағында оны пайдалана аласыз”, – деп мәлімдеді спикер.
Өз кезегінде “Мобайл Телеком-Сервис” ЖШС бас директоры Роман Володин 5g коммерциялық желісі Altel және “Қазақтелеком”инфрақұрылым базасында іске қосылғанын түсіндірді.
“Технологияның өзі 5G желісі біздің 4G желісімен интегралданған және шын мәнісінде пайдаланушылар технологиялар арасында ауыса алады, бұл оларға сервистің тиісті деңгейін қамтамасыз етеді. Дәл осы интеграция секундына 1,5 Гбайтқа дейін жылдамдыққа қол жеткізуге мүмкіндік береді. Бұл болашақ қызметтер мен болашақ өнімдердің негізі болатын өте үлкен жылдамдық”, – деді Р. Володин.
Ол сондай-ақ қазіргі уақытта Алматы мен Шымкентте 5G енгізу жұмыстары жүргізіліп жатқанын айтты.
