Біздің елімізде ақшаны жылыстату және Қазақстан Республикасынан капиталды шығару тәуекелдерін төмендетуге бағытталған заң күшіне енді, деп хабарлайды lsm.kz жаңалықтар ресурсы.
Сөз мемлекеттің кейбір заңнамалық актілеріне шетел валютасындағы ипотекалық қарыздар мәселелері бойынша түзетулер енгізуді, төлем қызметтері нарығының субъектілерін реттеуді жетілдіруді, жалпыға бірдей декларациялау және экономикалық өсуді қалпына келтіруді көздейтін заң туралы болып отыр.
Бұл заңда банктік емес қаржы ұйымдарының қызметін бақылауды жаңғыртуды көздейтін нормалар бар, ол ақшаны жылыстату және елден капиталды шығару тәуекелдерін төмендетуге мүмкіндік береді.
Осы Заңға сәйкес Қазақстанда электрондық ақшамен жасалатын операцияларға әртүрлі лимиттер белгіленеді, сондай-ақ электрондық әмияндардың сәйкестендірілмеген пайдаланушылары арасында аударымдарға тыйым салынады.
Осы заңның арқасында республикамыздың Ұлттық Банкі төлем операцияларын реттеп, ақша аударымдарына шектеу енгізе алады.
Сурет: forexdengi.ru
