Қазақстан Республикасы Еңбек және халықты әлеуметтік қорғау министрі Бердібек Сапарбаев кірістерді арттыру бойынша ұсыныстар әзірлеу және азаматтардың өмір сүру сапасын жақсарту жөніндегі жұмыс тобының 10-шы отырысын өткізді, деп хабарлады zakon.kz.
Еңбек және халықты әлеуметтік қорғау вице-министрі Светлана Жақыпова жұмыс тобы әзірлеген ұсыныстарды, атап айтқанда, кейбір шараларды оңтайландыру арқылы, 18 жасқа дейінгі балаларға жәрдемақы енгізуді ұсынды.
Сондай-ақ, мүгедек балаларды тәрбиелеп отырған көп балалы аналар мен мүгедек балаларды тәрбиелеп отырған аналарды зейнетақымен қамтамасыз ету, жиынтық табысты есептеу әдістемесін өзгерту, ең төменгі күнкөріс деңгейінің құрылымын қайта қарау, көп балалы ана мәртебесін растайтын куәлік беру және тағы басқалар бойынша ұсыныстар бар.
Сонымен қатар, көп балалы аз қамтылған ауылдық отбасылар үшін қажетті мамандықтарға қысқа мерзімді оқыту ұйымдастырылады. Жекелеген жұмыс түрлері бойынша жалақыны субсидиялаумен үйде әлеуметтік жұмыс орындары құрылатын болады.
Сурет: zakon.kz
