«Қазақпарат» ақпараттық агенттігі Қазақстанның Ұлттық экономика вице-министрі Ермек Алпысов Орталық коммуникациялар қызметінде өткен баспасөз мәслихатында әлеуметтік сала нысандарының болмауына байланысты 100-ден астам қазақстандық ауыл жабылуы мүмкін екенін айтты.
«Қазіргі уақытта мектептер,ауруханалар сияқты әлеуметтік сала нысандары жабылатындықтан,100-ден астам елді мекендер жабылуы мүмкін. Егер мектепте 15 оқушыдан аз болса, бастауыш мектеп жабылуы мүмкін, себебі бұл ауылды дамыту үшін нақты перспективалар жоқ. Сондықтан жергілікті атқарушы органдар белгілі бір әлеуметтік игіліктер мен қызметтер көрсету үшін,мысалы, осы балалардың оқуын ұйымдастыру үшін — тасымалдауды ұйымдастырады. Бұл қаржы ауылдық округ әкімдерінің бюджетінде қарастырылған», — деді Алпысов.
Сондай-ақ, вице-министр аймақтағы қандай елді мекендер туралы айтып жатқанын хабарлады.
«Даму болашағы жоқ ауылдар солтүстік облыстарда кездеседі. Әрине, әлеуметтік нысандар жабылады және бірінші кезекте тұрғындардың осы ауылда өмір сүру мәселесі тұр. Кейбіреулер көшуді қаламайды,өйткені ол үйреніп қалған. Ол көбінесе балалармен байланысты. Сондықтан әрбір облыста қоныс аудару жоспары, осындай ауылдармен жұмыс істеу жоспары қарастырылған. Біз оларға ауылдық округ орталықтарына, аудан орталықтарына көшіруді ұсынамыз, ал көпшілігі қалаларға қоныс аударғысы келеді, бірақ мұндай мүмкіндік жоқ. Сондықтан біз ауылдарға тірек бола алатын перспективалы мәселелерді анықтаймыз,оларға адамның өмір сүруі үшін қажетті барлық қызметтер мен игіліктер ұсынылатын болады. Адам денсаулық сақтау, білім берудің білікті қызметтеріне қол жеткізе алу үшін. Мұндай ауылдарға бару үшін тасымалдау немесе мобильді орталықтар ұйымдастыру қажет. Мұндай шаралар негізінен жергілікті бюджеттен қаржыландырылады», – деді вице-министр.
Сурет: express-k.ks
