Ресейдің Санкт-Петербург қаласында Ресей Федерациясының аумағынан тыс жерде жұмыс істейтін орыс тілді журналистерге арналған біліктілікті арттыру курстары өтті, деп хабарлайды kabar.kg. ақпараттық ресурсы.
Бұл курстан Қазақстан Республикасының журналистері де өтті, олар 18 күн бойы журналистиканың жаңа трендтерін оқып, өздерінің кәсіби дағдыларын арттырды.
Сондай-ақ, осы курстар кезінде қазақстандық журналистер мәтіндерді жазу, оны редакциялаудағы жаңалықтармен танысты.
Сонымен қатар, іс-шара аясында Ресейлік жетекші журналистер мен тележурналистер осы саладағы тәжірибелерімен бөлісіп, шеберлік сыныптарын өткізді.
Курстың ұйымдастырушысы орыс тілді шетелдік баспасөзбен ынтымақтастық қоры болып табылады. Сонымен қатар, іс-шараны ұйымдастыруға лингвистикалық дайындық және кәсіби коммуникация халықаралық орталығы қатысты.
Курсқа біздің республикамыздан ғана емес, сонымен қатар Қырғызстан, Армения, Беларусь, Түркіменстан, Италия, Нидерланды, Черногория, Кипр, Солтүстік Осетия және Абхазия журналистері қатысты.
