«Жолаушылар тасымалы» АҚ бас директорының корпоративтік мәселелер жөніндегі орынбасары Асылхан Қалдыкөзов келесі жылы қазақстандық жолсеріктер аттестаттаудан өтуі керектігін айтты.
Оның айтуынша, аттестаттау туралы шешім қызметкерлердің кәсіби деңгейін бағалау мақсатында қабылданды. Сонымен қатар, ол, аттестаттаудан өте алмағандар жұмыстан босатылатынын ескертті. Осылайша, қызмет көрсету сапасы жақсарады және теміржол тасымалы саласындағы сыбайлас жемқорлық деңгейі төмендейді.
Сондай-ақ бас директордың орынбасары бүгінгі таңда компанияда 6 мыңнан астам жолсерік және мыңға жуық кассир жұмыс істейтінін мәлімдеді. Осы жылдың 10 айында 400-ге жуық қызметкер тәртіптік жауапкершілікке тартылды.
Асылхан Қалдыкөзов, билетсіз жолаушыларды және ресімделмеген жүктерді тасымалдау сияқты заң бұзушылықтар үшін, 170 қызметкермен еңбек шарттары бұзылғанын атап өтті.
Сурет: Informburo.kz
