“Жол активтері сапасының ұлттық орталығы” бас директоры Замир Сағынов жол-көлік оқиғаларына қарсы күрес бойынша Оңтүстік Кореяның тәжірибесін алуға ұсыныс жасады.
“Олардың барлығы жаяу жүргіншілер үшін жасалған, заңдар да қатаң. Жол қозғалысы қауіпсіздігінің мониторингі негізінен республикалық жолдармен жүргізілуде,ал қаламен де айналысу керек. Көп жаяу жүргіншілер өткелдерін салу қажет. Негізінен жаяу жүргіншілерді қағып кету жаяу жүргіншілер өткелдерінің жарықтандырылмауына байланысты, бізде қалалардағы жаяу жүргіншілер өткелдерінің жанында тегіс емес немесе ескерту белгілері жоқ”,-деп мәлімдеді Сағынов.
Ол Азия Даму Банкінің Қазақстан Ұлттық экономика министрлігінің тапсырысы бойынша жасалған зерттеулеріне сәйкес ЖКО салдарынан қаза болған бір адам отандық экономикаға 109 миллион теңге, ал ауыр зардап шеккен адам – 16 миллион теңге шығын келтіретінін атап өтті.
“Егер бұл сандар аударылса, 2018 жылы ЖКО-дан біздің еліміз 550 миллиард теңге шығынға ұшырады. Негізінен ЖКО кезінде 50 жасқа дейінгі адамдар, яғни экономикалық белсенді халық қаза табады”, – деді сарапшы.
Өз сөзінде Сағынов бұл мәселелерді шешу кешенді тәсілді талап ететінін ерекше атап өтті.
“Бұл жол айрықтарын салу, ЖҚЕ бұзғаны үшін жазаны күшейту, жолдарды күтіп ұстау мен салуды толық қаржыландыру, жылдамдық режимін шектеу және тағы басқалар. Оңтүстік Кореяда жасалған жол-көлік оқиғасына қарсы күрес стратегиясын әзірлеу қажет”, – деп атап өтті ол.
