Қазақстанның сыбайлас жемқорлыққа қарсы ведомствосының басшысы Алик Шпекбаев Қытай мемлекеттік қадағалау комиссиясының төрағасы Ян Сеодумен кездесу өткізді. Бұл туралы Қазақстан Республикасының сыбайлас жемқорлыққа қарсы агенттігінің баспасөз қызметі хабарлайды.
Кездесу барысында Қытай мемлекеттік қадағалау комиссиясының басшысы Қазақстанның сыбайлас жемқорлыққа қарсы ведомствосы қызметінің негізгі бағыттары туралы хабардар етілді.1
«Біз мемлекет басшысына есепті тәуелсіз құқық қорғау органы болып табыламыз. Біздің миссиямыз: «Қазақстан халқының игілігі үшін сыбайлас жемқорлықты жою». Біздің барлық бастамаларымыз құндылықтар призмасы арқылы жүзеге асырылады. Олар әділдік, парасаттылық және сенім.Агенттіктің негізгі міндеттері сыбайлас жемқорлыққа қарсы іс — қимыл жөніндегі мемлекеттік саясатты қалыптастыру және іске асыру, қоғамда сыбайлас жемқорлыққа қарсы мәдениетті ілгерілету, сыбайлас жемқорлық қылмыстарының алдын алу, анықтау, ашу және тергеу болып табылады», — деп түсіндірді Алик Шпекбаев.
Өз кезегінде, Қытай қадағалау комиссиясының төрағасы сыбайлас жемқорлыққа қарсы іс-қимыл жөніндегі қазақстандық агенттіктің қызметін жоғары бағалады және Қытайдың ұқсас ведомствосына жұмыс нәтижелері туралы хабарлады.
Сонымен қатар, келіссөздер барысында Қытайдың жемқорлыққа қарсы күрескерлеріне Қазақстан Президенті жанындағы мемлекеттік басқару академиясымен ынтымақтастығына және біздің еліміздің сыбайлас жемқорлыққа қарсы қызметкерлерін Қытай тәртіп бақылау және қадағалау Академиясында оқытуға қатысты мәселелер талқыланды.
Кездесу соңында Қазақстан мен Қытай жемқорлыққа қарсы ведомстволарының басшылары ынтымақтастық туралы меморандумға қол қойды.
