Қазақстан Республикасының астанасында Altyn Oimaq жеңіл өнеркәсіп кәсіпорындарының бірінші форум-көрмесі өтіп жатыр, оған индустриялық даму және өнеркәсіптік қауіпсіздік комитетінің төрағасы Қанат Баитов қатысты.
Іс-шара аясында төраға Қазақстан жеңіл өнеркәсіпті мемлекеттік қолдау шаралары бойынша Өзбекстанның тәжірибесін пайдалануды жоспарлап отырғанын мәлімдеді.
«Шикізат базасы бар — үш миллионнан астам тері,70 мың тонна мақта талшығы, 30 мың тонна жүн жиналады. Мемлекеттік қолдау шаралары бойынша біз Өзбекстанның тәжірибесін зерттейміз. Мақта талшығын өңдеп, өнім шығарушылар бойынша біз мемлекеттік органдармен субсидиялау немесе шығындарды өтеу бойынша шараларды қарастыра аламыз», – деді Қанат Баитов.
