Осы жылдың наурыз айынан бастап қазақстандық жүргізушілерге жаңа үлгідегі техникалық төлқұжат пен куәлік беріледі. Еліміздің құқық қорғау ведомствосында тиісті бұйрық дайындалды. Бұл туралы ҚР ІІМ жазады.
Қазақстан Ішкі істер министрлігінің ақпаратына сәйкес, жүргізуші куәлігінің жаңа үлгілерін және көлікті тіркеу куәлігін беруді 1 наурызға дейін тоқтатуға қатысты бұйрықты ағымдағы жылдың 22 қаңтарына дейін егжей-тегжейлі қарап, кейін қол қоюға жіберу жоспарланып отыр.
Өткен жылдың 2 қарашасында Қазақстанның құқық қорғау ведомствосының басшысы Ерлан Тұрғымбаев республикамызда жаңа куәліктер мен техқұжаттарды енгізу туралы бұйрыққа қол қойды. Кейін осы бұйрық ҚР Әділет министрлігінде тіркелді.
ІІМ-де хабарлағандай, құжаттардың жаңа үлгілерінде электрондық чип артқы жаққа ауыстырылып, оның жадының көлемі ұлғайтылды. Сондай-ақ, құжаттарды қолдан жасаудан қорғау күшейтілді – штрих-код қосылды және техпқұжаттың түсі өзгертілді.
Құжаттардың жаңа үлгілері жүргізуші куәлігін және техникалық паспортты жеке басты куәландыратын құжаттармен сәйкестендіру мақсатында енгізіледі, бұл құжаттарды дайындаудың бірыңғай өндірістік стандартына көшуге мүмкіндік береді.
