Мәскеуде Қазақстан-Ресей демаркациялық комиссиясы мүшелерінің кезекті кездесуі өтті, оның күн тәртібіне демаркацияның қорытынды құжаттарының жобалары шығарылды, деп хабарлайды Қазақстан Республикасы дипломатиялық ведомствосының баспасөз қызметі.
Отырыс барысында Комиссия мүшелері Павлодар және Новосібір облыстары арасындағы мемлекеттік шекара учаскесіндегі далалық демаркациялық жұмыстардың материалдарын тексерді.
Сондай-ақ, сарапшылар биылғы жылы Алтай өңірі мен Шығыс Қазақстан облысы шегіндегі мемлекеттік шекара учаскесінде шекара белгілерін орнату орындарының кестесін жасады.
Қазақстан-Ресей мемлекеттік шекараны демаркациялау мүшелері мемлекеттік шекара сызығын белгілеуде жекелеген учаскелерге ерекше көңіл бөлді.
Кездесу соңында демаркацияның қорытынды құжаттарын дайындауды жалғастыру және осы жылдың сәуір айында біздің республика аумағында келесі отырыс өткізу туралы шешім қабылданды.
