Біздің республикамыздың бизнесмендер делегациясы Ресей Федерациясындағы әріптестерімен сауда-экономикалық ынтымақтастықты нығайту мақсатында Қорған облысына барады. Бұл туралы “Атамекен” Ұлттық кәсіпкерлер палатасының баспасөз қызметі хабарлады.
Кәсіпкерлер палатасы қазақстандық делегация құрамына отандық ірі компаниялардың өкілдері кіретінін атап өтті.
Сапарының бірінші күні қазақстандық бизнесмендер “Қорған облысы инвестициялық агенттігі” қорының алаңында Ресей тауар өндірушілерімен кездесіп, өңірдің экспорттық әлеуетімен танысады.
Қорған облысына сапары аясында Қазақстан Республикасының делегациясы осы өңірдің мемлекеттік органдарының басшыларымен және өкілдерімен бірқатар екіжақты кездесулер өткізеді деп жоспарлануда.
Сонымен қатар, қазақстандық кәсіпкерлер бірқатар Қорған кәсіпорындарын аралап, олардың қызметімен танысады.
Бұл бизнес-миссияны ұйымдастырушылар Қорған облысының экспортты қолдау орталығы және Қорған қаласының сауда-өнеркәсіп палатасы болып табылады.
Сурет: Bobrikstas.livejournal.com
