Еуразиялық экономикалық комиссияның техникалық реттеу бойынша министрі Виктор Назаренко Еуразиялық экономикалық одаққа қатысушы елдердің COVID-19 эпидемиясымен бірлесе күресуі туралы айтты
Назаренконың айтуынша, қазір ЕАЭО елдері, атап айтқанда Қазақстан, Ресей, Беларусь, Армения және Қырғызстан көлік қатынасын қалпына келтіруге қатысты мәселелерді пысықтауда.
Министрдің айтуынша, осыған байланысты комиссия Одаққа мүше мемлекеттер арасындағы халықаралық теміржол қатынасын қайта жаңғыртуды көздейтін құжатты әзірлеп, оны ЕАЭО елдерінің сарапшыларымен талқылауға дайын.
Сонымен қатар, Виктор Назаренко мұндай құжаттарды әзірлеу пайдалы шара екенін атап өтті, өйткені ЕАЭО елдерінің министрлер кабинеті қандай да болмасын қатынас түрінің қайта басталатын күнін анықтайтын болады.
Одақ елдеріндегі коронавирустық инфекциямен бірлескен күрес туралы айта келе, ЕЭК Министрі Еуразиялық үкіметаралық кеңестің рөлін атап өтті, оның мүшелері Минскіде 17 шілдеде ЕЭО мемлекеттерінде індеттің таралуына қарсы әрекет етуге бағытталған іс-шаралардың кешенді жоспарын бекітті.
Виктор Назаренко Беларусь астанасында өткен Үкіметаралық кеңестің отырысында COVID-19 туралы ақпарат алмасу ғана емес, коронавирусқа қарсы дәрі-дәрмектер мен вакциналарды әзірлеуге байланысты мәселелер талқыланды.
Сурет: eurasian-studies.org
