Қазақстан Түркіменстанмен және Өзбекстан Республикасымен бірге Қытай Халық Республикасына газ экспорты көлемінің бірлескен төмендеуін қарастыруда. Бұл туралы “Узбекнефтегаз” компаниясының бас директоры Мехриддин Абдуллаев хабарлады.
Абдуллаевтың айтуынша, көгілдір отын экспортын төмендетудің бастамашысы Қытай тарапы болды.
“Қытай қысқартуды сұрады, алайда газ жеткізудің кез келген қысқаруы Түркіменстан, Қазақстан мен Өзбекстан арасында тепе-тең жүзеге асырылатынын көрсетті. Қазір Қытайға газ жеткізетін үш елдің үйлестіру комитеті нақты көлемдерді талқылауда”, – деп түсіндірді ол.
Энергетика министрлігінің баспасөз бөлімінде сондай-ақ Орталық Азия аймағы мемлекеттерімен ҚХР-ға газ жеткізілімдерін қысқарту туралы келіссөздер жүргізіліп жатқанын растады.
“Індетке байланысты бүкіл әлемде газ тұтыну төмендеді. Біздің қытайлық әріптестеріміз бізге газ экспортын қысқарту туралы өтініш білдірді. Қазір біз басқа елдердің әріптестерімен осы жағдайды талқылаймыз”, – деп атап өтті Энергетика министрлігі.
Биылғы жылы қытай тарапының газға деген сұранысы жаңа үлгідегі коронавирустың таралуына қарсы әрекет ету үшін қабылданған шаралардан кейін төмендеді. Наурыз айында қазақстандық тарап PetroChina импорт туралы форс-мажор хабарын жариялағаннан кейін Қытайға көгілдір отынды жеткізуді 20-25 пайызға төмендегенін мәлімдеді.
Сурет: ru.sputniknews.kz
