Ағымдағы жылдың соңына дейін Қазақстан Өзбекстанға 1 миллиард киловатт сағат экспорттауды жоспарлап отыр. Бұл туралы “KEGOC” АҚ басқарма төрағасы Бақытжан Қажиев хабарлады.
“Биылғы жылы біз “KEGOC” компаниясының тарихында және жалпы алғанда алғаш рет Қазақстан Өзбекстанға электр энергиясын жеткізуге уағдаластық. Бұл ретте компанияның мүддесі, әрине, электр энергиясын беру көлемін ұлғайту. Бүгінгі күні біз Өзбекстанға 500 миллион киловатт-сағат экспорттадық. Жыл соңына дейін 1 миллиард киловатт-сағатқа жуық электр энергиясын беруді жоспарлап отырмыз”, – деді Бақытжан Қажиев Алматыда журналистермен кездесуде.
Сондай-ақ, ол біздің мемлекетіміздің энергия жүйесінде арнайы аварияға қарсы автоматика орнатылғанын атап өтті. Бұл Қазақстан тұрғындарына электр энергиясын беруде іркіліс немесе ығысу проблемасына тап болмау үшін жасалған.
“Тұтыну ағынының рұқсат етілген көлемінен асып кеткен жағдайда жүктемені қосудың арнайы автоматикасы бар және өзбек әріптестер экспорт көлемі ауытқыған жағдайда, өз аумағында жүктемені ажыратудың автоматикасы жүйесін қосуға келісті. Олар барлық жауапкершілікті өз мойнына алады”, – деді Қажиев.
