Мәжілісмендер “кеме қатынасы туралы келісімді ратификациялау туралы”Қазақстан заңының жобасын бекітті. Бұл құжат Транскаспий халықаралық көлік жолы бойынша қазақстандық порттардың транзиттік мүмкіндіктерін арттырады. Бұл туралы “Спутник Казахстан”жаңалықтар ресурсы хабарлады.
Заң жобасын парламенттің төменгі палатасының пленарлық отырысында талқылау барысында еліміздің индустрия және инфрақұрылымдық даму министрлігі басшысының орынбасары Берік Камалиев кеме қатынасы туралы құжаттың ең маңызды ережелері тараптардың ішкі жолдары арқылы су кемелерінің өту рәсімін жеңілдетуге бағытталғанын атап өтті.
“Келісіммен транзиттік өтуге өтінімді қарау мерзімі – он күн деп белгіленген, рұқсат беруді уәкілетті орган жүзеге асыратын болады. Келісімге мүше барлық елдердің ішінде тек Ресейде кемелердің транзиттік жүзуі мүмкін ішкі су жолдары бар. Қазіргі уақытта транзиттік өтуге рұқсатты Ресей Федерациясының Үкіметі береді және оны алу 3 айдан 6 айға дейін уақытты алады”, – деп Камалиев түсіндірді.
Сондай-ақ, ол бүгінгі таңда Қара теңіздегі порттардан Қазақстан порттарына дейінгі жүктер Волга-Дон кеме қатынасы каналы арқылы транзитпен жеткізілетінін айтты. Тек біздің компаниялар ғана ішкі Ресей жолдары бойынша транзиттік өтудің жеңілдетілген тәртібіне ие бола алатындықтан, осы кезеңде ЕАЭО-ға кірмейтін Каспий маңы мемлекеттері біздің тасымалдаушыларымызды Каспийден Қара теңіз порттарына жүк тасымалдау үшін қосуға мүдделі.
Осылайша, Транскаспий халықаралық көлік жолы бойынша қазақстандық порттардың транзиттік мүмкіндіктері ұлғайтылатын болады. Алдағы бес жыл ішінде Ресейдің су жолдары арқылы транзитпен тасымалдауды жыл сайын 250-300 мың тоннаға дейін арттыру жоспарлануда, деп түйіндеді вице-министр.
Сурет: ru.sputnik.kz
