Бүгінгі таңда Қазақстан Қытаймен темір жол көлігімен жүк тасымалын жүзеге асырады, деп хабарлайды zakon.kz жаңалықтар ресурсы.
“ҚТЖ” АҚ бүгінгі таңда Қазақстан мен Қытай арасындағы жүк тасымалы штаттық режимде жүзеге асырылып жатқанын, екі мемлекеттің санитарлық-эпидемиологиялық қызметтері барлық қажетті шараларды қолданатынын мәлімдеді.
Екі ел арасындағы жүк тасымалына төтенше жағдай режимін енгізу де әсер еткен жоқ, алайда станцияларда елеулі қауіпсіздік шаралары қолданылуда.
Атап айтқанда, күн сайын теміржолшыларға түсіндіру жұмыстары жүргізіліп, коронавирустың алдын алу шаралары туралы жадынамалар таратылады.
Машинисттер кіру және шығу кезінде тепловизормен тексеріледі, ал станцияға келгеннен кейін оларды медициналық мекемеде қосымша тексереді.
“ҚТЖ” АҚ-да соңғы екі айда Қазақстан мен Қытай арасындағы жүк тасымалдау көлемі 2019 жылдың ұқсас көрсеткішімен салыстырғанда 18%-ға артқанын хабарлады.
Сурет: ccsvo.ru
