Қытайдың 36 қаласынан Қазақстанның 216 азаматы коронавирус індетіне байланысты шығарылды. Сондай-ақ, тағы 150 отандасымызды шығару жоспарлануда. Бұл туралы ҚР Сыртқы істер министрлігінің ресми өкілі Айбек Смадияров мәлімдеді.
“Бұл дипломатиялық қызметкерлер, олардың отбасы мүшелері, студенттер және басқа да біздің азаматтар. Қалған Қытай қалалары карантинге жабылмаған, сондықтан біздің азаматтар үшінші елдер арқылы Қазақстанға қайта орала алады”, — деді СІМ өкілі.
Бұған дейін сыртқы істер министрлігі Қытай аумағында Қазақстанның 719 азаматы тұрғанын, оның 391-і отанына оралуға көмектесуді сұрады.
Ағымдағы жылдың 2 ақпанында Ухань қаласынан 83 қазақстандық шығарылды,олардың 80-і студенттер. Қазір олар екі апталық карантинде тұр. Дәрігерлер коронавируспен ауырғанын анықтайды.
Сурет: rus.azattyq.org
