Қазақстан аудит жүргізіп, оның қорытындысы бойынша Қырғыз Республикасының ветеринариялық жүйесі Еуразиялық экономикалық одақтың нормаларына сайма-сай екенін мойындады. 24.kg ақпаратын Қырғызстанның экономика министрі Олег Панкратов растады.
Министрдің айтуынша, екі тармақты қамтитын ЕАЭО шешімі бар – ҚР ветеринарлық жүйесін одақтың нормаларына сәйкес деп тану және Дүниежүзілік сауда ұйымына кіру кезінде тауарлар қозғалысын бақылау бойынша Қазақстан жүйесін мойындау. Қазіргі уақытта шешімге, Ресейден басқа, одақтың барлық мүшелері қол қойды.
Панкратов Ресей әзірге қазақстандық тауарларды қадағалау жүйесін мойындамағанын мәлімдеді, тараптар мәселені талқылауда. Бірақ Қырғызстан Қазақстан жүйесін мойындады, өз тарапынан қырғызстандық ветеринариялық жүйесін мойындағаны туралы шешімге қол қойды. Ресей тарапы шешімге қол қойғаннан кейін ол күшіне енеді.
Қырғызстанның ветеринариялық жүйесінің ЕАЭО нормаларына баламалылығын тану мәселесі 2015 жылдан қарастырылмаған. Қырғызстан шекарадағы ветеринарлық бекеттерді сақталған жағдайда одаққа кірді. 2017 жылы Қырғызстан оларды алып тастау мәселесін көтерді. Сол кезде ол шешімді, Қазақстаннан басқа, барлық мемлекеттер қолдаған болатын.
Сурет: kabar.kg
