Қазақстан экология, геология және табиғи ресурстар министрлігінің басшысы Мағзұм Мырзағалиев Қырғызстан астанасына жұмыс сапарымен барды. Бұл
туралы ведомствоның баспасөз қызметі хабарлады.
Қазақстан министрінің айтуынша, қырғызстандық әріптестерімен болған кездесуде Арал теңізін құтқару мәселелерімен айналысатын жұмыс тобын құру туралы келісімге қол жеткізілді.
Сондай-ақ, кездесу аясында қазақстандық ведомство басшысы Шу өзені бассейніне Қырғызстаннан су беру кестесіне қатысты мәселені қозғады. Атап айтқанда, Мырзағалиев бұл мәселені шешу үшін онлайн-режимде гидрологиялық мәліметтермен алмасу жүйесін енгізу қажет деп есептейді.
Қазақстан Экология министрлігінің ақпараты бойынша, келіссөздер барысында Сырдария өзені бассейніндегі су шаруашылығы жағдайына қатысты мәселелерге де назар аударылды.
Сурет: Tengrinews.kz
