Қырғыз Республикасындағы жағдай қыза түсуде. Қазақстандықтар бұл елдегі наразылықтарды мұқият қадағалап, көрші халыққа белсене жанашырлық танытуда. Осыған орай, Қазақстан басшылығы дағдарыс жағдайын реттеу үшін Қырғызстанның ішкі істеріне араласа алады деген пікір қалыптасты. Оқиғаның осылай өрбуі мүмкін бе? Осыны түсінуге тырысайық.
Көрші мемлекеттегі жағдай 6 қазанға қараған түні, парламенттік сайлау нәтижелерімен келіспеген қырғызстандықтар Бішкекте митингке шыққан кезде шиеленісе түсті. Наразылық тәртіпсіздіктерге ұласып, наразылық білдірушілер парламент ғимаратына шабуыл жасады, сөйтіп оппозиция билікті басып алды. Үкімет басшысы отставкаға кетті, оның орнына түрмеден босатылған оппозиция жетекшісі Садыр Жапаров келді.
Мен Бішкектегі наразылық , құқық қорғау органдарының қызметкерлерімен қиян-кескі қақтығысқа ұласқан тәртіпсіздік жоспарланғанына және қаржыландырылғанына сенімдімін, өйткені наразылық білдірушілердің көбі сайлауда саяси партиялардың қайсысы жеңгенін де білмеді. Төңкерісті ұйымдастырушылар елордаға әр түрлі аймақтардан келді. Олар ақшасын алды, қаланы қиратты, не үшін бүлік салғанын өздері де білмейді.
Қазақстан көршісінің жағдайын реттеуге тырысады ма? Екіталай. Иә, біз Қырғызстанның ең жақын көршісіміз. Бірақ егер біздің республикамыз белгілі бір тұлғааға арқа сүйеп, оған саяси қолдау көрсететін болса, онда қырғыз халқының оны ұлттық көшбасшы ретінде қабылдап, бәрі тыныштала қалады деу мүмкін емес.
Біз Қырғызстандағы өткен президенттік сайлауда Қазақстан үміткерлердің біріне қолдау көрсеткенін және оның қандай жағымсыз реакция тудырғанын көрдік. Біз көрші болсақ та, белгілі бір өзара жақтырмаушылық бар.
Нұр-Сұлтанда Қырғыз Республикасына жанашырлық танытатын адамдар бар екені түсінікті. Бірақ ешкім бұл туралы ашық айтпайды, өйткені мұндай мәлімдеме 5% қолдау көрсетсе, ол үміткерге қарсы шыққандар санын 95%-ға көбейтеді.
Қырғызстанда барлығы тұрақты өмір сүргенін, соғыспағанын және ереуілге шықпағанын қалайды, онда ел ішінен шыққан тұлға қажет. Сондықтан Қазақстан басшылығының көрші елдің ішкі істеріне араласуы және жағдайды реттеуге ықпал етуі екіталай.
Азаматтық және әскери қақтығыстарды зерттеу орталығының сарапшысы Сұлтанбек Агеев, арнайы «Эхо Казахстана» үшін.
Сурет: livejournal.com
