Біздің республика мен Қырғызстан арасындағы мемлекеттік шекарада көпірлер жөнделіп, салынады. Бұл келісімге көрші елдің көшбасшысы Сооронбай Жээнбеков қол қойды, деп хабарлайды regnum.ru жаңалықтар ресурсы.
Жээнбеков қол қойған үкіметаралық келісімге сәйкес, “Ақ-Тілек – автожол” және “Қарасу – автожол” шекаралық өткізу пункттері арасында қолданыстағы көпір жөнделіп, жаңа көпір салынады.
Құжатта көрсетілгендей, көпірлерді салу және қайта жаңарту жұмыстары аяқталғаннан кейін, олар Қазақстан мен Қырғызстанның меншігіне тең үлеспен берілетін болады.
Алдын ала мәліметтер бойынша, жаңа көпірдің құрылысына біздің еліміз бен Қырғыз Республикасына 472 миллион теңгеден астам қаржы жұмсалады.
Орталық Азияның екі елінің шекарасында көпірлерді салу және қайта жаңарту Қазақстан мен Қырғызстанның шекаралас өңірлері арасындағы сауда-экономикалық ынтымақтастықты одан әрі кеңейту үшін қолайлы жағдайлар жасауға ықпал етеді деп жоспарлануда.
Сурет: budport.com.ua
