Қазақстанның Қорғаныс министрлігінде Қырғыз Республикасы мен Тәжікстан Республикасына өтеусіз әскери-техникалық көмек көрсету мәселелері бойынша екі қаулы жобасы әзірленді. Бұл туралы zakon.kz жаңалықтар ресурсы хабарлайды.
Жобаларға түсіндірме жазбаларда олар Қазақстанның халықаралық шарттар туралы Заңына сәйкес әзірленгені атап өтілген. Жобалар біздің Республикамыздың Қырғызстан мен Тәжікстанға өтеусіз негізде әскери мүлікті қамтитын әскери-техникалық көмек көрсетуін көздейді.
Сонымен қатар,, онда “берілетін мүлік қолданылмайтын болып табылады және артық мөлшерде сақталады, осыған байланысты оны қалпына келтіруге бюджет қаражаты талап етілмейді” деп көрсетілген.
Қазақстан тарапы бұл көмекті “Отар” станциясынан Тәжікстан аумағына дейін, Қырғыз Республикасына теміржол көлігімен жеткізуді қамтамасыз етуге ниетті.
Қырғызстан мен Тәжікстанның Қазақстаннан алынған әскери мүлікті үшінші тарапқа беруге құқығы жоқ.
Бұл екі жоба осы жылдың 20 ақпанына дейін талқыланады.
Бұған дейін Ресей Федерациясы Тәжікстан Республикасына түрлі мақсаттағы инженерлік техниканы ақысыз негізде жібергені атап өтілді.
Мұндай техника таулы жерлерде, сондай-ақ кейбір аудандардың қиын жолдарында көптеген тапсырмаларды орындай алады.
Сурет: zakon.kz
