Қазақстанның Азаматтық авиация комитеті еліміздің барлық әуежайларында қауіпсіздік шараларын күшейтуді тапсырды. Ол келе жатқан жаңа жылдық мерекелерге байланысты.
«Қазаэронавигация» РМК объектілерінде, әуежайларда және авиакомпанияларда қауіпсіздік шараларын күшейту 2018 жылғы 29 желтоқсаннан бастап 2019 жылғы 2 қаңтарға дейін жалғасады.
Қауіпсіздік шараларын күшейту жолаушыларға әсер етеді ме? Алдымен жолаушыларға әуежайға ерте келуді ұсынады, өйткені оларды әуежайға кіре берісте тексеру қызметі кідірте алады. Сондай-ақ жолаушылардың жолжүгі мұқият тексеріледі, әрбір бесіншінің жүгі қолмен тексеріледі.
Авиакөлікпен жөнелтілетін жүктер қолмен қаралады. Әуежайлар терминалдарында күшейтілген патрульдеу енгізіледі. Алкогольдік ішімдік ішкен жолаушылар рейске жіберілмейді.
Жолаушыларды қауіпсіздік шараларын күшейтуге түсіністікпен қарауды сұрайды.
Сулет: tengrinews.kz
