Air Astana әуе тасымалдаушысының өкілдері компания ағымдағы жылдың 1 тамызына дейін Грузия бағыты бойынша авиарейстерді қайта бастауды кейінге қалдырғанын хабарлады. Бұл туралы ustinka.kz ақпарат агенттігі жазады.
Air Astana әуекомпаниясы 1 шілдеден бастап Грузияға халықаралық рейстерді қайта бастауды жоспарлаған болатын, себебі бұл елдің билігінен тиісті рұқсат алды.
Алайда, 25 маусымда Грузияның азаматтық авиация агенттігі Air Astana компаниясына эпидемиологиялық жағдайға байланысты барлық халықаралық авиарейстер 1 тамызға дейін тоқтатылады деген жеделхат жолдады.
Осыған байланысты авиатасымалдаушы өкілдері авиарейстері тоқтатылған жолаушылардың тарифтегі айырмашылықты ескере отырып, Грузияға немесе Стамбулға, Анталияға ұшатын рейстерге билеттерді қайта брондап коюға құқығы бар екенін хабарлады.
Air Astana Нұр-Сұлтан және Алматы әуежайларынан ішкі және халықаралық тұрақты рейстерді жүзеге асыратын Қазақстан Республикасының ірі авиакомпаниясы болып табылады.
Бұрынырақ эпидемияның таралуының алдын алуға жауапты біздің республикамыздың ведомствоаралық комиссиясы шетелге авиарейстерді кезең-кезеңмен қайта жаңарту туралы шешім қабылдағанын хабарланған.
