Қазақстан Индустрия және инфрақұрылымдық даму министрлігі ағымдағы жылдың 5 наурызынан бастап Ақтау және Құрық теңіз порттарында теңіз кемелеріне қызмет көрсету тоқтатылады деп мәлімдеді.
Сөз Әзірбайжан мен Ираннан жолаушылар тасымалын жүзеге асыратын теңіз кемелері туралы болып отыр. Олардың қызметі біздің елде коронавирустық инфекцияның таралуын болдырмау үшін тоқтатылды.
Қазақстан Индустрия министрлігінің ақпараты бойынша, Ақтау және Құрық порттарында орналасқан шетелдік кемелердің экипаждары үшін де шектеулер енгізіледі. Атап айтқанда, оларға өз кемелерінен шығуға рұқсат берілмейді.
Сонымен қатар, халықаралық тасымалдарды жүзеге асыратын Қазақстан теңіз кемелері экипаждарының мүшелеріне санитарлық-эпидемиологиялық қызметтерінің бақылауы күшейтілуде.
Ведомствода Каспий маңы мемлекеттерінің теңіз әкімшіліктері коронавирустың таралуына жол бермеуге бағытталған Қазақстан қабылдап жатқан шаралар туралы хабардар етілетіндігін атап өтті.
Қазақстан денсаулық сақтау министрлігінің ақпаратына сәйкес, бүгінгі күні Қазақстанда коронавируспен ауырғандар тіркелген жоқ.
Сурет: 24.kz
