Ресейде “Алабино” полигонында Әскери халықаралық ойындары – 2019 аясында өткен “Танк биатлоны” байқауының қорытындысы шығарылды.
Қорғаныс ведомствосының ақпараты бойынша, біздің танкисттер Ресей мен Беларусь әріптестеріне жол беріп, үшінші орынға ие болды.
Сондай-ақ Ресей Федерациясы Қорғаныс министрлігінің тау дайындығы орталығы базасында “Эльбрус сақинасы-2019” байқауы аяқталды. Жарыс қорытындысы бойынша қазақстандық команда үшінші орынды, Ресей – бірінші, Өзбекстан – екінші орынды иеленді.
Естеріңізге сала кетейік, биылғы жылы әскери халықаралық ойындарға Әзірбайжан, Ангола, Армения, Беларусь, Венесуэла, Египет, Үндістан, Қазақстан, Қырғызстан, Қытай, Кувейт, Моңғолия, Никарагуа, Пәкістан, Ресей, Сербия және Тәжікстан командалары қатысуда.
