Тәжікстанға біздің республикамыздан түзеу мекемелерінде қолданылатын күзет жабдығының екі жиынтығы жеткізілді. Бұл туралы Қазақстанның сыртқы саяси ведомствосының баспасөз қызметі хабарлады.
Қазақстан СІМ өкілдерінің айтуынша, жабдық тәжік тарапына дамуға ресми көмек көрсетудің ұлттық жүйесі жобасының арқасында берілді.
Петропавл ауыр машина жасау зауытында жасалған күзет жабдықтарының берілуіне байланысты Душанбеде салтанатты рәсім өтті.
Іс-шараға қатысушылар алдында сөз сөйлеген Тәжікстан Әділет министрлігі басшысының орынбасары Мансурджон Умаров Қазақстан Республикасына күзет құрал-жабдықтары түрінде көмек көрсеткені үшін алғысын білдірді.
Сонымен қатар, министр Қазақстан тарапының осы бағыттағы қызметі Тәжікстанда ғана емес, Орталық Азия өңірінде тұрақтылық пен қауіпсіздікті нығайтуға ықпал ететініне сенім білдірді.
Бүгінгі таңда біздің еліміздің дамуға ресми көмек саласында айтарлықтай тәжірибесі бар, өйткені әр жылдары Қазақстан Қырғызстанға, Ауғанстанға және Тәжікстанға білім беру гранттары мен оқу орындарын салу түрінде гуманитарлық көмек көрсетті.
Сурет: worldht.ru
