Қазақстан билігі Тәжікстан Республикасына гуманитарлық жүк жіберуге ниетті. Гум көмектерден өкпені жасанды желдетудің портативті аппараттары болады. Бұл туралы еліміздің денсаулық сақтау министрлігі басшысының орынбасары Людмила Бюрабекова мәлімдеді.
“Барлық елдер бір-біріне көмек көрсетуде, біздің елімізге де гуманитарлық көмек көрсетуде. Қазақстан Үкіметі Тәжікстанға осы жылдың соңына қарай портативті ИВЛ-аппараттар түрінде гуманитарлық көмек көрсету мәселесін қарастыруда”, – деді баспасөз мәслихаты барысында вице-министр.
Оның айтуынша, ӨЖЖ-ның портативті аппараттары науқастарды жедел жәрдем машиналарында тасымалдау үшін қолданылады, олар Ақмола облысында дайындалады.
“Бұл өндіруші өзінің өндірістік қуатын арттырды. ӨЖЖ портативті аппараттарынан басқа, олар өкпені жасанды желдетудің стационарлық аппараттарын шығаруға ниетті”, – деп түсіндірді Бюрабекова.
Стационарлық ИВЛ-аппараттарды шығаруды Түркиядан келген компаниямен бірге жақын арада жолға қою жоспарланып отыр, деп Министрдің орынбасары толықтырды.
“Ағымдағы жылдың соңына дейін өндіруші стационарлық және портативті ИВЛ-аппараттарға барлық қажетті қажеттілікті жабады”, – деп нақтылады Бюрабекова.
Қазақстанның сыртқы саяси ведомствосында эпидемия кезінде біздің еліміз Ресей, Біріккен Араб Әмірліктері, Оңтүстік Корея, Өзбекстан және басқа да мемлекеттерден гуманитарлық көмек алғандығын хабарлады.
