Беларусь астанасында бірлескен ғылыми-техникалық кеңестің кезекті отырысы өтті,оған қазақстандық құтқару ведомствосының делегациясы қатысты.
Кездесуге Қазақстаннан делегаттардан басқа Беларусь, Қырғызстан, Армения және Ресей құтқару ведомстволарының өкілдері қатысты.
Отырыс барысында қатысушылар Төтенше жағдайлар бөлімшелерінің қызметінің тиімділігін жақсарту мақсатында арнайы мобильдік қосымшаларды пайдалануға қатысты мәселелерді талқылады.
Кездесу барысында тараптар табиғат ортасында жоғалған адамдарды іздеуге және құтқаруға арналған заманауи технологияларға назар аударды.
Сонымен қатар, өрт сөндіру және апаттық-құтқару жұмыстарын жүргізу саласында мамандар даярлау әдістемесі мен бағдарламалары талқыланды.
Отырыс соңында тараптар бірлескен ғылыми-техникалық кеңестің келесі отырысы 2020 жылы Қырғызстанда өтеді деп шешім қабылдады.
