Ресейдегі біздің республикамыз елшілігінің өкілдері жақын арада бауырлас елдің билігі Қазақстан студенттері үшін шекара ашылатынын айтты.
Атап айтқанда, қазақстандық дипломаттардың айтуынша, Ресей Федерациясында қазір Үкіметтің өкімдеріне өзгерістер енгізілуде, оған сәйкес Ресейдің жоғары оқу орындарында оқитын студенттерге осы елге кіруге рұқсат етіледі.
Сонымен қатар, көршілес мемлекет билігі әскери оқу орындарында оқитын студенттерге шекарадан өтуге рұқсат беруді жоспарлап отыр.
Ресей Федерациясының аумағына кіру үшін, Қазақстаннан келген студенттерге ПТР әдісімен коронавирусқа тестілеуден өткенін растайтын құжатты ұсыну қажет деп болжанады.
Бұған дейін біздің еліміздің спортшыларына жарыстарға қатысу үшін, Ресейге кіруге рұқсат етілгені хабарланған. Бұл бұйрыққа Ресей Федерациясының премьер-министрі Михаил Мишустин қол қойды.
Қазақстанның Ресейдегі дипломатиялық өкілдігінің айтуынша, Мишустин қол қойған өкім халықаралық жарыстарға қатысушылар үшін Ресей шекарасынан өтуді айтарлықтай жеңілдетеді.
