Қазақстан Республикасы Жоғарғы сотының баспасөз хатшысы Айдос Сәдуақасов қазіргі таңда біздің республикамыздың сот мекемелері онлайн режимінде жұмыс істейтінін мәлімдеді, деп хабарлайды «Қазақпарат» ақпарат арнасы.
Оның айтуынша, біздің елімізде сот отырыстарының 96,4%-ы мессенджерлер мен бейнеконференцбайланыс арқылы өткізілді. Сонымен қатар, ол қазақстандық сот жүйесі үшін бұл жұмыс тәсілі бірінші рет екенін атап өтті.
«Яғни барлық сот отырыстары тараптардың және басқа да процеске қатысушылар іс жүзінде сот залдарында болмай өткізілді», — деді баспасөз хатшысы.
Сәдуақасовтың пікірінше, қазақстандық сот жүйесіне енгізілген IT-технологиялар өзін ақтады. Алайда жүйеде ақаулар да бар, сондықтан бағдарламашылар пайда болған проблемаларды жою үшін тұрақты жұмыс істеуде.
Бұған дейін Қазақстан Жоғарғы Соты соттар мен сот процестеріне қатысушылардан істерді қарауды кейінге, карантин аяқталғанға дейін қалдыруды сұраған.
Сурет: Prometheus.ru
