Ресейдің Санкт-Петербург қаласында Ұжымдық қауіпсіздік туралы шарт ұйымы әскери комитетінің отырысы өтті, оған Қазақстан делегациясы қатысты. Бұл туралы ҰҚШҰ баспасөз қызметі хабарлады.
Біздің республикамыздың әскери делегаттарынан басқа Армения, Беларусь, Тәжікстан, Ресей және Қырғызстан Қарулы Күштері бас штабтарының өкілдері қатысқан кездесу барысында ҰҚШҰ-ға қатысушы елдер арасындағы әскери саладағы ынтымақтастықты дамытуға байланысты мәселелер қаралды.
Сонымен қатар, отырысқа қатысушыларға келесі жылы Ресейдің ҰҚШҰ-ға төрағалық етуі кезеңінде ұйымға қатысушы елдер арасындағы әскери ынтымақтастықтың алдағы бағыттары туралы ақпарат берілді.
Сондай-ақ, кездесуге қатысушылар Ресей, Беларусь және Тәжікстан аумағында өткен «Жауынгерлік бауырластық» ауқымды оқу-жаттығуларының қорытындыларына назар аударды.
Тараптар отырыс шеңберінде ұжымдық қауіпсіздік шарты ұйымы елдерінің әскери авиациясының халықаралық әуе қатынасын ұйымдастыруға қатысты мәселелерді қозғады.
