Қазақстан дипломатиялық ведомствосының өкілдері биылғы 1 сәуірге дейін 500-ден астам қазақстандық Ресей астанасы арқылы Қазақстанға транзитпен оралатынын айтты, деп хабарлайды nur.kz ақпарат ресурсы.
Бұған дейін Қазақстан азаматтарына Мәскеу арқылы Отанына оралуда проблема туындаған болатын, өйткені Ресей Федерациясы шетелдіктерге кіруге тыйым салды.
Алайда қазір Қазақстанның Сыртқы істер министрлігінде Внуково әуежайы арқылы еліміздің азаматтарын үйге қайтару мәселесі пысықталуда.
Бұл үшін біздің еліміздің СІМ ресейлік мемлекеттік органдармен бірлесіп Қазақстан азаматтарын Мәскеу арқылы транзитпен елге қайтару дәлізін ұйымдастыруды жоспарлап отыр, өйткені ол қазақстандық транзитшілер үшін ең танымал қалалардың бірі.
Бұған дейін Қазақстан мен Ресей үкімет басшылары Асқар Мамин мен Михаил Мишустиннің телефон арқылы сөйлесуі кезінде қазақстандықтардың отанына оралуы туралы мәселе көтерілген.
Ол кезде Асқар Мамин бауырлас екі мемлекеттің аумағы арқылы үйлеріне транзитпен қайтып келетін қазақстандықтар мен ресейліктерге өзара режим құруды ұсынған.
