Біздің мемлекетіміздің сыртқы саяси ведомствосында Қазақстан Үкіметі мен БҰҰ қоры арасында халықты қоныстандыру саласындағы келісім (ЮНФПА) жасаудың ресми рәсімі өтті. Тараптар ноталар алмасу арқылы келісім жасасты. Бұл туралы ҚР Сыртқы істер министрлігінің баспасөз қызметі хабарлады.
Қазақстан тарапынан келісімге Сыртқы істер министрінің орынбасары Ержан Ашықбаев, ал қор тарапынан – ЮНФПА-ның Қазақстандағы өкілі, Қырғызстан мен Түркіменстан үшін елдік директор Джулия Валезе қол қойды.
Ашықбаев Қордың бағдарламалық қызметі Қазақстан Үкіметінің басымдықтарына, БҰҰ-ның даму саласындағы әріптестігінің негіздемелік бағдарламасына, сондай-ақ 2030 жылға дейінгі күн тәртібіне толық сәйкес келетінін мәлімдеді.
Министрдің орынбасары біздің мемлекеттің үкіметі халықты дамыту бағдарламалары мен ұлттық стратегия бойынша қызмет шеңберінде Қазақстан астанасындағы ЮНФПА-ның елдік офисімен ынтымақтастық жөніндегі ұсынысқа мүдделі екенін атап өтті.
Сурет: ru.sputniknews.kz
