Қазақстанның сыртқы саясат ведомствосының өкілі Айбек Смадияров қазақстандық кәсіпкер Марат Сабалаковтың Испанияда қайтыс болуына байланысты мәлімдеме жасады, деп хабарлайды СІМ баспасөз қызметі.
Сыртқы істер министрлігінің өкілі баспасөз конференциясында Марат Сабалаков зордықпен өлтірілген деген ақпаратты жоққа шығарды.
Смадияровтың айтуынша, тергеу барысында белгілі қазақстандық бизнесмен аурудан қайтыс болғаны анықталды. Қазақстандықтың денесі жақын арада туыстарына жеткізіледі.
Бұған дейін отандық ақпараттық интернет-ресурстарда Марат Сабалақов жалдап тұрып жатқан Испаниядағы вилласының бағында зорлықпен өлтірілген деген ақпарат пайда болған.
Мұндай ақпарат испандық БАҚ-тардың бірінде Азаматтық гвардия Марат Сабалаковтың зорлық-зомбылықпен өлтірілуі мүмкін деген нұсқаны тексеріп жатқандығы туралы хабардан кейін тарала бастады.
Кейін желіде Сабалаковтың денесі тілініп тексерілгені туралы мәліметтер пайда болды, соның арқасында кәсіпкердің табиғи себептерден қайтыс болғаны анықталды.
Сурет: Kapital.kz
