6 шілде күні 2019 жылғы халықаралық бағбандық көрме аясында Шанхай Ынтымақтастық Ұйымының күні өтті.
“Өткен жылдың маусым айында Циндаодағы ШЫҰ саммиті барысында ШЫҰ-ға мүше мемлекеттердің қоршаған ортаны қорғау саласындағы ынтымақтастық тұжырымдамасы қабылданды. Осы тұжырымдама шеңберіндегі өзара іс – қимылдың маңызды бағыттары экологиялық қауіпсіздік, климаттың өзгеруіне бейімделу, қалдықтарды басқару, экологиялық білім деңгейін арттыру, сондай – ақ “жасыл” дамуды ілгерілету болып табылады”, – деді Пекин-Яньцин маңындағы салтанатты іс-шарада ШЫҰ Бас хатшысы Владимир Норов.
Естеріңізге сала кетейік, 14 маусымда Қырғызстан астанасында өткен ШЫҰ саммитінде ағымдағы жылға арналған іс-шаралар жоспары бекітілді.
“Мұның барлығы ШЫҰ мен біздің мемлекеттер көшбасшыларының кең еуразиялық кеңістікте қоршаған ортаны қорғау үшін күш – жігерді шоғырландыруға ұмтылысын көрсетеді”, – деді дипломат.
Халықаралық бағбандық көрме – 2019 29 сәуір мен 7 қазан аралығында өтеді. Іс-шараға 86 ел мен 24 халықаралық ұйым қатысуда. ШЫҰ алғашқылардың қатарында осы іс-шараға қатысуға қолдау білдіріп, тілек білдірді.
